Ji ber hevnegirtina girtekên bi îmzeyên şil û daneyên Desteya Hilbijartinê ya Bilind (YSK), xelkê bertek nîşan da. Enqereyiyan jî ji bo nîşandana berteka xwe, li ber avahiya Desteya Hilbijartina Bajêr û Navçeyan a YSK’ê ya Enqereyê dest bi Nobeta Demokrasiyê kir. Polîsan êrîşê nobetdaran kir û 10 kes destgîr kirin.

VEXWENDINA JI BO NOBETÊ

Îlay Eroglû ku beriya Nobeta Demokrasiyê axivî, diyar kir ku girtekên bi îmzeyên şil û daneyên YSK’ê ragihandine, hev nagirin û got: “Li ber çavan e ku YSK nehiqûqî kiriye û ketiye hewila desteserkirina vîna gel. Em gel ku vîna me hatiye desteserkirin û hilbijêr, îro li vir dest bi nobeta demokrasiyê dikin. Em hemû gelê Enqereyê vedixwînin ku bi me re li vir nobeta demokrasiyê bigirin û hemû welatiyan vedixwînin ku li bajarên lê ne li ber avahiyên YSK’ê dest bi nobeta edaletê bikin. Em ê li vîn û dengên xwe bibin xwedî û em cardin nabin qurbaniyên heman nehiqûqiyê.” 

10 KES HATIN DESTGÎRKIRIN

Bi daxwaza polîsên li ber avahiya YSK’ê hêzên ewlehiyê hatin. Polîsan got ku Nobeta Demokrasiyê ku tê girtin, ne hiqûqî ye û li dijî Makezagonê ye û 10 kesên nobet digirt, destgîr kirin.